In Klagenfurt då håm ma - die Radln valådn, da Artur håt gsteuert - gekånnt unsarn Wågn. Nåch 5 Stundn Fåhrt - san wir im Delta ånkumman, Tatjana und Irene - håm uns herzlich empfångan. Da Johnny håt gebråcht- a italienische Jausn, då håm ma glei könnan- zur Stärkung guat schmausn. Die erste Rådtour - de wår wundascheen, då håm ma vom Delta - schon aniges gsehn. Doch dånn kam da Regn - du möchtests nit glabn, Wir håm trotzdem gehåbt - a tolles Programm. Viel håm ma gsehn - und guat håm ma gessn, die Eindrücke wer ma - bestimmt nit vagessn. Guat håm ma vabråcht - die stürmischn Tåge und gestern in da Fruah - hat sich verbessert die Låge. Die Tour wår so super - hinunter zum Meer, den Kaffee an da Stråndbar- genossen wir sehr. Und weita is gångan - um uns viel Natur, die Vögl håm gsungan - von Hektik ka Spur. A bsundares Highlight - wår dås "Canarin", gelegn so scheen - im Podelta drin. Bei Tatjana und Irene - wir uns herzlich bedånkn, diese bsundare Tour - bleibt uns in Gedånkn. Es wår ålls geplant - mit sehr viel Geschick, dåss sie so viel Leit kennan - des is unsa Glück. Die ane is vorgfåhrn - die åndare hintn, då konnte von uns - a går kana vaschwindn (gel Marian?). Jetzt kummts ålle guat ham - ihr liabn Leit, Scheen dåss es eich gibt - es håt mi sehr gfreit.
Text: Klaudia Rauscher